كلام فى الحب

يالا انا وانت نقول كلام فى الحب ونشوف
يالا انا وانت نقول احلى كلام من غير كسوف
يالا يا حب عمرى يالا
يالا يا احلى نسمة فى الحياة دلوقتى
انت حبيبى
وانتى حبيبتى
عايزة اعيش معاك طول العمر
وانا حنسى معاكى احزانى وكل المر
عايزة اكون ام ولادك وحبيبتك ومراتك
عايزة افرح قلبك دايما واعوضك اللى فاتك
وانا حدارايكى عن كل العيون
وعمرى مهما حصل انى اخون
ولا عمر حبنا حيهون
توعدنى طيب الوعد دة
واوعدك كمان باكتر من كدة
انت حبيبى
وانتى حبيبتى
حاسة انى طايرة فى السما
وانا يا عمرى اخيرا عرفت مين انا
تفتكر حنكمل سوا
طبعا حنكمل والكل حيحسدنا على حبنا
انا خايفة من عيون الناس علينا
متخافيش ربنا معانا وحولينا
انا خايفة ان الظروف تغيرنا
متخافيش انا حعمل كل اللى يقربنا
خايفة تحب غيرى وتمشى
انسى الموضوع دة خالص انسى
خايفة اننا نتغير بعد الجواز
ازاى بس وانا اخترتك يا حبيبتى من كل الناس
خايفة نبقى زى اى اتنين متجوزين
وخايفة يموتنا الروتين
متخافيش حتتفرجى على الدنيا معايا
بس المهم متسالنيش على فين رايحين
تفتكر احنا صح ولا غلطانين
اصل انا حاسة اننا زيادة رومانسيين
ومالها الرومانسية بس دة الكل بيسأل عن طريقها منين
اصل بشوف كتير ناس متجوزين على طول متخانقين
وتلاقيهم من بعض زعلانين
اللى شمال واللى يمين

ملناش دعوة بيهم يا حبيبتى احنا غير اى اتنين
تفتكر ولا دة كلام بس بتريحنى بيه
وبعد الجواز الاقى نفسى غرقانه من غير ما اعرف ليه
بقولك ايه انا بدات ازهق من كتر اسئلتك ديا
انت شكلك من النوع اللى يخنق فى الدنيا ديا
وانا مش طالبة معايا وعلى ايه
من اولها بقى حتتطلع عنيا
الله انت زعلت منى ولا ايه
ليه زعلت قولى بس ليه
لولا بس قلبى والخوف اللى فيه
لما انت من دلوقتى زعلت
امال كنت بعد كدة حتعمل ايه
بالسلامة بلا كلام حب بلا بطيخ
روح الله يسامحك يا شيخ
وانتى منك لله
ايه يعنى كانت ناقصة الحياة
ما كانت قشطات
لازم تعكننى على الواحد
هو الحزن بقى مكتوب اننا نصحى فيه ونبات
طيب تجى نتكلم من الاول خالص ونشوف
بلا اول بلا اخر وانا لسة حشوف
كفاية اللى اتقال وكل دة بسبب الخوف